Mitti kumhaar ki …

quote-between-me-and-you-there-is-only-me-take-away-the-me-so-only-you-remain-mansur-al-hallaj-56-46-86

The master is always seeking the pupil but shall only appear once the pupil is ready, for some of us just our preparation takes form of our entire journey, and few rare spiecies tread the path of the forbidden worlds..they are seeking what no one can offer them .. unless HE takes them in HIS light ..

 

Jab bashar ki asl haqeeqat hai hi khaaqi, abad se azal tak, jab milna hi hai khuld mai sirf rabb ki ibadat aur us ki pechan ki khatir, jab aik baatin aur zahir hasti ka khalifa hai us ki behtareen takhleeq, aik nutfay se alaq se .. aik mohtaaji ki halat se laut ke aik mohtaji ki halat se guzar ke .. aik mohtaaji ki halat main lautna hai akhir.. toh phir yeh tamasha kyun akhir..??

Na kuch laye thay tum aur na hi sath le jaogay .. na kuch khoya hai tum ne na hi tum kuch is dunya e faani se pao gaye.. jab tanhai hi asl e hayaat hai toh phir shor o ghul o wehshat kyun barpa hai har su ?? yeh mohabbat.. yeh banawat .. yeh rasumaat .. sab dhong hai .. azmaish hai.. sab logon ka yahan khush rehnna hai manna.. sab tamasha hai aur tamashaiee hain .. sab dost hain .. aur sab hain ahl e veeran o mehfil .. har simtt bichi hai pardah fehm aik ajab si ronak .. behadh masnooiee hai aur hadh darja hairaan kun .. kya hum ko yaad hai haqeeqat e kun faya kun ??
itni mushaqat k baad bhi kamaye na kuch amaal .. jo jana hai saman sath mere .. mujh se qabl o mere baad ..
akhir meri zaat main simat chuki hai zaat e khaliq .. jab tu hi raziq tu hi malik .. toh dunya mai jehad kyun akhir ?? sab k sath rehna.. sath chalna.. parhna .. seekhna.. barhna .. badalna .. aur phir tujh ko haasil kar lena .. us ke baad is dunya se jee uth jaye .. oop jaye toh .. kaise lautay hum in andheri rahon main ??

Yeh dunya kehnay nahi deti .. sehnay nahi deti .. ronay nahi deti .. jhoot kehay .. jhoot sun’nay.. fareb khaye .. dhokay de .. aur phir yeh shikwa.. ke humara kasoor kya hai ??
jo shaks apne andar se nikal ke phir khud mai dakhil ho jaye.. jo dunya ka ban ke bhi.. logon mai reh k bhi .. apne hi wajd mai samaye.. aise insan ko aam log pagal kaha kartay hain .. kuch log malang kehtay hain aur kuch deewana .. lekin jab tak yeh raaz us ki zubaan pen a aye who is dhongi dunya ke tareekay pe chalta jaye .. tab tak us ko maushra kabool karta hai ..
jis baat pen a ho dil raazi .. na rabb raazi ..

Who log jo alag rah khoj’tay hain .. aam se alag sochtay hain .. woh tanhaye’on k baasi ho jatay hain .. jin rooh tar hona chahaye .. woh shor o ghul or dikhawaye se bezaar ho jatay hain .. yeh kya moajra hai .. yeh ajab maumla hai .. jawab jaantay nahi .. aur talash rawaan hai .. kaun hain yeh log .. jo mujh jaise ban jatay hon .. jo apne aap ko kho na chahain .. aur kya janay kya sukoon patay hon .. ?? yeh mitti ka khumhaar hi janay in mitti kahan ki mitti hai … … justuju jaari hai .. jab tak jaan hain .. yeh manzilain hain ishq ki .. yahan har qadam pe manzil bhi aur koi manzil ka nishan bhi nahi ..

Nazea